SAASIA

SINI AUTU

O sini ‘autu nei o le fa’avaega o le Sosaiete:

(a) Ia si’itia/fa’ailoaina atili a’oa’oga faa A’oga Amata o tamaiti Samoa ma le naunauta’iga o matua ma e o lo’o va’aia fanau.

(e) Ia si’itia le fa’ailoaina o tamaiti Samoa ma matua i ni itu lelei.

(i) Ia fa’atuina se fa’alapotopotoga aloa’ia e fa’avae i tu ma aganuu, a’oa’oga ma filosofia fa’a-Samoa.

(o) Ia si’itia/tausisia tulaga fa’a-le-agaga, fa’a-mafutaga, fa’a-le mafaufau, ma fa’a-le-tino mo le lelei o aiga ma vai ‘a’ai.

(u) Ia si’itia le fa’aaogaina atili o le Ta’iala o le Gagana Samoa (Samoan in the NZ Curriculum) e fai ma amataga/fa’avaega o le a’oa’oina o le Gagana Samoa i tamaiti.

(f) Ia si’itia tulaga tau su’esu’ega ma ia avanoa fa’amaumauga o ia su’esu’ega mo le atia’eina o a’oa’oga fa’a A’oga Amata mo le a’oa’oina o le Gagana Samoa.

(g) Ia si’itia le fa’aaogaina o le Ta’iala (National Curriculum Guidelines) e aofia ai le Te Whariki ma Tusitusiga o Fa’atinoga Lelei (Quality in Action Documents) i A’oga Amata Samoa uma.

(l) Ia lagolago atili le fa’aliliuga fa’a-Samoa o tusitusiga o mataupu tau a’oa’oga fa’a A’oga Amata. 2

(m) Ia fa’ateleina le saunia/faia o alaga’oa e a’oga mo le a’oa’oina o le Gagana Samoa.

(n) Ia atia’e/fa’atupuina ma lagolago polokalame fa’a A’oga Amata mo tamaiti.

(p) Ia lagolagoina le fa’aauau pea o a’oa’oga mo le fa’alauteleina o le tomai o faia’oga A’oga Amata.

(s) Ia fa’avaeina/tusia se tulafono o gagana e lagolago ai A’oga Amata.